Luxembourg
Dry Gin
Eis Geschicht
Dat ganzt Team vun Opus ass komplett nei an der Welt vun der Destillatioun. Aus enger spontaner Iddi vun 3 gudde Kollegen, déi am Hierscht 2016 an engem Bistro, – wou och anescht, – entstoung, ass eisen Opus Dry Gin an d’Liewen geruff ginn. Mat vill Hëllef vu lokalen Expert’en aus der Industrie, eisen innovativen a kreativen Iddien, sou wéi eisem Enthusiasmus ass et eis gelongen, een onofhängege Produit mat engem eegene Charakter hierzestellen.
Produktiounsprozess
Fir eisen Gin ze brennen, brauche mer als éischt e Basisalkohol. Dofir gëtt e rengen Alkohol geholl, deen aus Weess gemaach gëtt a 96% vol meisst. En ass komplett gerochs- a geschmaachsneutral, genau dat wat mir brauche fir während der Destillatioun eis individuell Nouten ze produzéieren.
Dësen Alkohol gëtt iwwer d’Nuecht an d’Tanken agefëllt, an en Deel vun eiser akribesch ofgestëmmte Mëschung un Botanicals gëtt dora mazeréiert. Esou kréien déi eenzel Ueleger, Extrakter a Goûte genuch Zäit fir zur Entfalung ze kommen. Den intensive Goût a kräftege Kierper am Endproduit ass awer och e Resultat vun der iwwerduerchschnëttlech héijer Quantitéit u Botanicals, déi mir am Mazerat verschaffen.
Nom Brennen ass den Gin gestresst. E brauch seng Rou. En huet elo duerchschnëttlech 82% vol a kritt vun eis 8 Wochen Zäit, fir all déi verschidden Aromaen zu engem Ganze verschmëlzen ze loossen. Dat eenzegt wat mir virum Afëllen nach maachen ass e lues a lues mat entmilitariséiertem Waasser op Drénkstäerkt (44% vol) erofsetzen.
Dëse Prozess widderhuele mer ëmmer erëm. Mat aller Suergfalt. Batch fir Batch.
Produktbeschreiwung
Gerochs- an Geschmaachsnouten
Nues
Palate
Ofgang
Lokal Botanicals
Mir plécken eis Botanicals op eng nohalteg Aart a Weis an setzen eis fir den Ubau an den Erhalt vun dësen traditionelle Lëtzebuerger Produiten an. D’Flora an d’Fauna spillen an eiser Unternehmensphilosophie eng grouss Roll an mir vergiessen net, dass déi Planzen déi mir plécken och eng Nahrungsquell vu Vigel an och aneren Déiere sinn.
“Mir plecken Aprikosen,
Un ailen Hecken gär;
Wé gët nun awer praffen,
Am Bâmbösch d’Schleiwendär”
– Michel Rodange
Schléiwendar (Prunus spinosa fruct.)
D’Schléiwe fanne mer zu Lëtzebuerg iwwer Bierg an Dall. Laanscht vill Weeër, Bëscher a Wisen ass dës pickeg Heck doheem. D’Friichten sinn däischter blo a schmaachen immens batter, beim drop bäissen, zeien se engem de Mond zesummen. Nom éischte Frascht sinn se eréischt eenegermoossen genéissbar, an dat ass och dee richtegen Ament an deem mir se plécke ginn. Eisem Gin verhëlleft et zu engem staark aromateschen, licht battern Gout den vill zu der Charakteristik bei dreit.
Spackelter (Cynosbati fruct.)
De Spackelter ass d’Fruucht vun der Hondsrous (Rosa canina oder Rosa rubiginosa), eng Heckerous déi am ganze Ländchen doheem ass. D’Fruucht huet an der Vollräift eng kräfteg rout Faarf, ass batterlech-séiss a gëtt, wann iwwerhaapt, verwennt fir Téi, Drëpp oder och Gebeess ze maachen. Och an der Volleksmedezin ass de Spackelter eng geschätzte Planz. An eisem Gin harmonéiert en mat der Séisst vum Hunneg, bréngt awer eng batter Wierz.
Päerdsbier (Rubus sectio rubus, var. fruticosus)
Well Päerdsbierhecke fënnt ee virun allem laanscht Bëscher, awer och nach laanscht Wisen, Weeër, Baachen a Flëss. Déi kleng, meeschtens blo-schwaarz Friichte ginn tëscht August a September no an no zeideg, an entwéckelen eng ganz agreabel Séisst. Eisem Gin bréngen se virun allem e fruuchtegen, breede Geschmaach an eng zousätzlech Dicht.
Schwaarzen Hielenter (Sambucuci ebuli fruct.)
Den Hielenter fënnt ee souwuel am Gehecks oder am Bësch, wéi och uechter d’Dierfer. E ka bis zu engem 8 Meter héije Bam, mat enger wuelgeformtener, ronner Kroun ginn. Nom Kachen oder Vergären fannen déi schwaarz Bieren Verwennung an der Kichen, Planzenheilkunde awer och an der Industrie als Faarfstoff. Den Hielenter verlaangt dem Ganzen seng Schockela- an Röstaromen, déi während dem Dréchnungsprozess entstinn.
Bléie vum schwaarzen Hielenter (Sambuci flor.)
D’Bléie si kleng, gielzeg-wäiss an erschéngen am Juni. Den Doft, dee vun dëse klenge Bléien ausgeet, ass onverwiesselbar frësch a fruuchteg, an dréit zu där erfrëschender Nout vun eisem Gin bäi.
Rousen (Rosae rubrae flor.)
Vun der Rousenheck siche mer eis an der voller Bléi just déi schéinste Blieder fir an eisen Gin aus, nëmmen esou kréie mer den optimale Geroch, dee mer wëllen. Hieft de parfüméierten Aspekt vum Gin nach e bëssen ervir.
Kiefernsprossen (Pinus silvestris turiones)
Vun der Kiefer, op lëtzebuergesch eng fatzeg Dänn, fënnt ee vill verschidden Zorten iwwert Europa an och Lëtzebuerg verdeelt. Si léisst sech erkennen duerch hier roudelzeg Schuel a laang spatz Nolen. D’Sprosse si voll mat äthereschen Ueleger an Haarz, wat dem Gin eng ‘holzeg’, awer och zesumme mat den Zitrus Nouten, ee ‘mediterrane Charakter’ verleet.
Hunneg (mel)
Genau sou wéi am Kreeslaf vun der Natur spillt och fir eis d’Hunnegbei eng ganz wichteg Roll an eiser zirkulärer Unternehmensphilosophie. Den Hunneg, dee vun eisen hauseegene Beievëlker produzéiert gëtt, dréit zu engem ronnen, geschmeidege Mondgefill bäi a ronnt de Goût zu engem Ganzen of.
Wéi genéissen?
Gin & Tonic
Déi puristeschst an wuel och klasseschst Aart an Weis fir den Gin ze genéissen ass en Gin & Tonic. Entwéckelt vu briteschen Offizéieren an Ostindien ëm 1825, déi deemools d’Chinin enthalend Schuel vum ‚Chinarindenbaum‘ (Cinchona pubescens) mat Sodawaasser gemëscht an zesummen mat hirem Gin gedronk hunn. Den éischten Gin & Tonic war gebuer.
Wat brauch een:
- 40 ml Opus Luxembourg Dry Gin
- Fever Tree Mediterranean Tonic
- Äis
- Puer gedréchent Wakelterkäeren
Wéi mëscht een et:
- 3-4 Cuben Äis an een Tumbler oder een Highball Glas fëllen
- 40 ml Opus Dry Gin draschëdden
- Opfëlle mat Tonic
- Mat bësse Wakelter dekoréieren
OPUS Dry Gin
Opus Luxembourg Dry Gin, Pur fir de Connaisseur. Klassesch, einfach ze presentéieren, awer komplex am Goût
Wat brauch een:
- Nosing oder Grappa Glas (oder een anert, schmuelt Glas mat dënner Wand)
- 40ml Opus Luxembourg Dry Gin (op Zëmmertemperatur)
Wéi mëscht een et:
- Gin erausschëdden, Glas an d’Luucht hale fir d’Konsistenz ze beuerteelen a kucken, ob en ‘kräischt’
- Iwwert dem Glas richen (net am Glas) a sech e Gesamtbild an der Nues maachen. Dono probéieren déi verschidde Botanicals erauszerichen
- Schmaachen. Fir den éischten Androck sollt de Fokus op der Zong leien. Wéi eng Noute kommen eraus? Wakelter? Koriander? Zitrus?
- Weider schmaachen. No e puer Sekonnen kënnt deen zweeten Androck hannen am Gomm, wou sech no an no ëmmer méi verschidden Aromaen entfalen
- Eng kléng Opléisung fannt der hei
Bramble
Den Alleskönner. Een frëschen friischteche Cocktail fir all Occasioun.
Wat brauch een:
- 60ml Opus Luxembourg Dry Gin
- 10 frësch Päerdsbier
- 10ml Zockersirop
- 20ml Limettenjus
- 40ml Fever Tree Sicilian Lemon
- Crushed Ice
Wéi mëscht een et:
- Tumbler oder Highball Glas mat Päerdsbier, Zocker an Gin opfëllen
- Alles zerdrécken a mat crushed ice opfëllen
- Gutt ëmréieren a Lemon Tonic dobäischëdden
- Mat enger Päerdsbier garnéieren an zervéieren
IPA Hunneg Gin
Dat Battert vun engem Indian Pale Ale an d’Séisst vum Hunneg harmonéieren optimal. De mediterranen an frësche Goût vum Basilikum an d’Sprëtzegkeet vum Limettenjus suergen dofir, dass den Gin gutt zur Geltung kënnt. D’Resultat ass ee Cocktail mat vill Substanz, passend zu all Joereszäit, deem seng Noute vu séiss iwwer würzeg bis hin zu licht batter reechen.
Wat brauch een:
- Opus Luxembourg Dry Gin
- 1 Fläsch IPA
- Limettenjus
- Puer Stengelen Basilikum
- Lokalen Hunneg
- Äiswürfelen
Wéi mëscht een et:
- Hunneg zesummen mam Basilikum zerstampfen
- Limettenjus an Eewäiss drop
- ca. 10-15 Sekonnen shaken fier dass alles gudd vermecht ass
- Äis derbäi fier ze killen
- Firum zerveieren den Beier derbäischedden, fier dass eng schein Schaumkroun entsteet
Album
